Çin birgözü
Çin birgözü | ||||||||||
---|---|---|---|---|---|---|---|---|---|---|
Elmi təsnifat | ||||||||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Triba: Yarımtriba: Cins: Növ: Çin birgözü |
||||||||||
Beynəlxalq elmi adı | ||||||||||
|
||||||||||
|
Çin birgözü (lat. Ligustrum sinense) — bitkilər aləminin dalamazçiçəklilər dəstəsinin zeytunkimilər fəsiləsinin birgöz cinsinə aid bitki növü.
Təbii yayılması
[redaktə | mənbəni redaktə et]Vətəni Çindir.
Botaniki təsviri
[redaktə | mənbəni redaktə et]3 m hündürlükdə sıx çətirli, həmişəyaşıl koldur. Çətrinin diametri 2 m-ə qədərdir. Cavan budaqları sarımtıl rəngli, sıx tükcüklüdür. Yarpaqları uzunsov-oval şəkilli, üstdən parlaq, tünd yaşıl, altdan açıq yaşıldır. Kiçik, ağ çiçəkləri ətirli, süpürgə çiçək qrupunda toplanır.
Ekologiyası
[redaktə | mənbəni redaktə et]May-iyun aylarında çiçək açır, toxumları sentyabr-oktyabr aylarında yetişir. Toxumla, oduncaqlaşmış və yaşıl gövdə qələmləri ilə çoxaldılır. Torpağa az tələbkardır. Kölgəyə davamlıdır. Rütubətli torpaqlarda daha yaxşı inkişaf edir.
Azərbaycanda yayılması
[redaktə | mənbəni redaktə et]Bakı, Gəncə şəhərlərində, rayonlarda park və bağlarda rast gəlinir.
İstifadəsi
[redaktə | mənbəni redaktə et]Müxtəlif formalar verməklə yaşıl çəpərlərin salınması üçün istifadə edilir.